30.07.2026 | 09:37
ՀՀ տարածքում ավտոճանապարհներն անցանելի են
Վրացի և թուրք սահմանապահները համատեղ վարժանքներ են անցկացրել Սամցխե-Ջավախքի շրջանում
Քաղաքականություն
12.11.2021 | 19:43
Վրացի և թուրք սահմանապահները համատեղ վարժանքներ են անցկացրել Սամցխե-Ջավախքի շրջանի Վալեի սահմանային հատվածում, հաղորդում է 1tv.ge-ն։
ՆԳՆ-ի տվյալներով՝ զորավարժություններին մասնակցել են Վրաստանի սահմանային ոստիկանության Ախալցխայի տնօրինության և Թուրքիայի ԶՈւ 25-րդ բրիգադի մարտավարական խմբերը։
Վարժանքների սցենարի համաձայն՝ դիտարկվել է երկու իրավիճակ․ անօրինական միգրանտների կալանավորում և պետական սահմանով խոշոր եղջերավոր անասունների ապօրինի տեղափոխման կանխում:
«Զորավարժությունների նպատակը երկու երկրների սահմանային ստորաբաժանումների միջև ցամաքային սահմանների պաշտպանության ոլորտում փորձի փոխանակումն է և սահմանային անվտանգության համակարգված գործողությունների բարելավումը»,- հայտնել են Վրաստանի ՆԳՆ-ից:
Զորավարժությունները տեղի են ունեցել Թուրքիայի և Վրաստանի միջև 2021 թվականի երկկողմ համագործակցության պլանի շրջանակում։ Նման դասընթացները պարբերական բնույթ են կրում և անցկացվում են երկու տարին մեկ անգամ։
Տաթև Ֆռանգյան
