18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Բրիտանացի մի խումբ խորհրդարանականներ այցելել են գրավյալ հայկական Շուշի․ ԼՈՒՍԱՆԿԱՐՆԵՐ
Քաղաքականություն
11.11.2021 | 18:37
Մեծ Բրիտանիայի խորհրդարանական պատվիրակությունը՝ Բրիտանիա-Ադրբեջան բարեկամական խմբի ղեկավար Բոբ Բլեքմենի գլխավորությամբ, այցելել է Արցախի գրավյալ հայկական Շուշի քաղաք։ Ադրբեջանական լրատվամիջոցների հաղորդմամբ՝ այս մասին թվիթերյան գրառմամբ հայտնել է Շուշիում Ադրբեջանի նախագահի հատուկ ներկայացուցիչ Այդին Քերիմովը։
Բրիտանական պատվիրակության անդամները Միացյալ Թագավորությունում Ադրբեջանի դեսպան Էլին Սուլեյմանովի ու Միլի Մեջլիսի միջազգային և միջխորհրդարանական հարաբերությունների հանձնաժողովի նախագահ Սամեդ Սեիդովի ուղեկցությամբ այցելել են հայկական քաղաքի տարբեր վայրեր։
Հավելենք, որ ավելի վաղ բրիտանացի խորհրդարանականները հանդիպել էին Ադրբեջանի նախագահ Իլհամ Ալիևին։ Կողմերը փաստել էին, որ «Ադրբեջանի և Միացյալ Թագավորության միջև երկկողմ հարաբերությունները շատ լավ պատմություն ունեն և ներկայում հաջողությամբ զարգանում են»։ Հանդիպմանն ընդգծվել էր նաև «միջխորհրդարանական համագործակցության կարևորությունը երկկողմ հարաբերությունների զարգացման գործում, տեղի էր ունեցել մտքերի փոխանակում հարաբերությունների հեռանկարների շուրջ»։
Էմմա Չոբանյան
