22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Ինչպես են Միխայիլ Սաակաշվիլիին ուժով բանտային հիվանդանոց տեղափոխել․ ՏԵՍԱՆՅՈՒԹ
Քաղաքականություն
11.11.2021 | 16:14
Վրաստանի քրեակատարողական ծառայությունը հրապարակել է նախկին նախագահ Միխայիլ Սաակաշվիլիին բանտային հիվանդանոց տեղափոխելու տեսանյութը։ Այն հրապարակվել է գերատեսչության ֆեյսբուքյան էջում։
«Հասարակության շրջանում մեծ հետաքրքրությունից ելնելով՝ հրապարակում ենք տեսանյութ, որտեղ երևում է մեղադրյալների և դատապարտյալների թիվ 18 բուժհաստատությունում բանտարկված Միխայիլ Սաակաշվիլիի տեղափոխումը պալատ, ինչպես նաև այն փաստը, որ Սաակաշվիլին ֆիզիկական հարձակման է ենթարկել անձնակազմին և վնասել բժշկական սարքավորումներ»,- ասվում է հաղորդագրության մեջ։
Վրաստանի Արդարադատության նախարարության գլխավոր տեսչությունը հետաքննություն է անցկացնում այս փաստի առթիվ։ Սաակաշվիլիի տեղափոխումը տեղի է ունեցել նոյեմբերի 8-ին։ Նախկին նախագահը հայտնել է, որ իրեն ասել են՝ Ռուսթավիի բանտից քաղաքացիական կլինիկա են տեղափոխում, հայտնում է «Նովոստի-Գրուզիան»։
Սաակաշվիլին ասել է, որ հրաժարվել է մեքենայից իջնել, երբ հասկացել է, որ իրեն տեղափոխել են բանտային հիվանդանոց, և ոչ թե քաղաքացիական։ Դրանից հետո նրա նկատմամբ ֆիզիկական ուժ է կիրառվել։
Մանրամասները՝ տեսանյութում։
Տաթև Ֆռանգյան
