14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
Միխայիլ Սաակաշվիլիի փաստաբանները, ի նշան բողոքի, լքել են դատարանի դահլիճը
Քաղաքականություն
10.11.2021 | 19:24
Վրաստանի նախկին նախագահ Միխայիլ Սաակաշվիլիի փաստաբանները լքել են դատական նիստն այն բանից հետո, երբ դատավոր Նինո Էլիշվիլին հրաժարվել է նիստին ընդունել ևս երկու փաստաբանի՝ Նիկա Գվարամիային և Դիտո Սաձագլիշվիլիին, գրում է Սպուտնիկի վրացական ծառայությունը։
Սաակաշվիլիի փաստաբաններ Բեքա Բասիլայան և Շոթա Թութբերիձեն լքել են նիստերի դահլիճը։ Բանտի ադմինիստրացիան հրաժարվել է Սաակաշվիլիին դատարանի դահլիճ տեղափոխել, ինչն առաջացրել է պաշտպանական կողմի զայրույթը։ Փաստաբանները պահանջում էին նաև, որ բացի Վրաստանի Հանրային հեռուստաալիքից՝ ներգրավվեն նաև այլ լրատվամիջոցների ներկայացուցիչներ։
«Ես ոչ մի պատճառ չեմ տեսնում նիստերի դահլիճում գտնվելու համար և ձեզ հրաժեշտ եմ տալիս: Մենք չենք հրաժարվում պաշտպանել Միխայիլ Սաակաշվիլիին, բայց քանի դեռ նրանից չենք պարզում մի շարք հարցեր, այդ թվում՝ քաղաքական արդարադատության ոլորտում նրա օրինական պաշտպանության մասին, մենք չենք շարունակի մասնակցել գործընթացին»,- ասել է Բասիլայան։
Դատական նիստը շարունակվել է առանց Սաակաշվիլիի փաստաբանների։ Օրակարգում Միխայիլ Սաակաշվիլիի խափանման միջոցը փոխելու հարցն է։ Բասիլայան հույս է հայտնել, որ ազատազրկման տեսքով խափանման միջոցը կվերացվի։
Տաթև Ֆռանգյան
