17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ՄԹ Համայնքների պալատն առաջին ընթերցմամբ ընդունեց Հայոց ցեղասպանության ճանաչման մասին օրինագիծը
Քաղաքականություն
09.11.2021 | 22:58
Ինչպես արդեն տեղեկացրել էինք, Մեծ Բրիտանիայի խորհրդարանի Համայնքների պալատում առաջին ընթերցմամբ քննարկվել է Միացյալ Թագավորության կողմից Հայոց ցեղասպանության ճանաչման օրինագիծը։
Օրինագծով պատգամավոր Թիմ Լութոնը ՄԹ կառավարությունից պահանջում էր պաշտոնապես ճանաչել Հայոց ցեղասպանությունը։
Հայ դատի հանձնախումբը տեղեկացրել է, որ օրինագիծն առաջին ընթերցմամբ ընդունվել է։
«Այսօր պատմական օր է հայկական հարցի առումով: Հայոց ցեղասպանության մասին օրինագծի առաջին ընթերցման ժամանակ որևէ առարկություն չեղավ: Հաջորդ ընթերցումը տեղի կունենա 2022 թվականի մարտի 18-ին: Շնորհակալություն ենք հայտնում Թիմ Լոութոնին և համահեղինակներին` նախագծի այս հաջողության համար»,- ասված է հանձնախմբի հայտարարության մեջ։
Օրինագծի երկրորդ ընթերցումը տեղի կունենա 2022 թ․ մարտի 18-ին։
