08.06.2026 | 22:58
Հայտնի է նոր Ազգային ժողովի առաջին նիստի օրը
Աֆղանստանում հակաթալիբանական ճակատը հայտարարել է Քաբուլ նահանգում պայքարի մեկնարկի մասին
Քաղաքականություն
09.11.2021 | 20:44
Աֆղանստանի Քաբուլ նահանգում զինված խմբավորումը հայտարարել է Ազգային դիմադրության ճակատին աջակցելու և թալիբների դեմ պայքար սկսելու մասին, գրում է Ինտերֆաքսը։
Երեքշաբթի սոցցանցերի աֆղանական տիրույթում հրապարակված տեսաուղերձում ասվում է, որ զինված խմբավորումն աջակցում է Ահմադ Մասուդի գլխավորությամբ Ազգային դիմադրության ճակատին և պատրաստ է կռվել թալիբների դեմ:
Նախօրեին Ազգային դիմադրության ճակատին աջակցության մասին հայտարարել է նաև Թահար նահանգում զինված խմբավորումը։
Օգոստոսին Աֆղանստանից ԱՄՆ-ի և ՆԱՏՕ-ի զորքերի դուրսբերման ֆոնին «Թալիբան» շարժման գրոհայիններն առանց կռվի գրավեցին երկրի գրեթե բոլոր նահանգները։ Օգոստոսի 15-ին արմատականներն առանց բախումների գրավեցին նաև մայրաքաղաք Քաբուլը, որից հետո նախագահ Աշրաֆ Ղանին և նրա կաբինետի անդամները փախան երկրից։
Դրանից հետո ավելի քան երկու շաբաթ թալիբները, մեծ կորուստներ կրելով, փորձում էին գրոհել միակ չնվաճված Փանջշիր նահանգը։ Սեպտեմբերի 6-ին թալիբները հայտարարեցին հովիտը գրավելու մասին, սակայն հակաթալիբանական ազգային դիմադրության ճակատի ներկայացուցիչները պնդում են, որ արմատականներին Պակիստանի ավիացիայի օգնությամբ հաջողվել է գրավել միայն Փանջշիրի գլխավոր կիրճը, իսկ տարածաշրջանի բոլոր 23 կիրճերը գտնվում են ճակատի վերահսկողության տակ։
Տաթև Ֆռանգյան
