19.12.2025 | 18:39
Դեսպան Արմեն Սարգսյանը համատեղության կարգով նշանակվել է Գանայում ՀՀ դեսպան
Այսօր սկիզբ ենք դնում համազգային դիմադրությանը. Իշխան Սաղաթելյան․ ՏԵՍԱՆՅՈւԹ
Քաղաքականություն
08.11.2021 | 19:05
«Մեկ տարի առաջ սեպտեմբերի 27-ին սկսվեց պատերազմը։ Հայ մարդն ամեն ինչ արեց հաղթանակ ունենալու համար։ Պատերազմ գնացին գիտակցումով, որպեսզի հայ մարդն արարի իր սեփական հողում։ Ցավոք, ՀՀ իշխանության ղեկին բազմած խմբակը իր անկարողությամբ, դավաճանությամբ և անգործունեությամբ երկիրը տարավ կապիտուլացիայի։ Նոյեմբերի ինի կապիտուլացիայից հետո, նոյեմբերի 11-ին այս հրապարակում հավաքվեցինք և սկսեցինք պայքար մեկ հիմնական օրակարգով՝ հեռացնել երկրի աղետ ու չարիք բերած իշխանությանը, վերականգնել արժանապատվությունը։ Մենք միասին ութ ամիս փողոցում պայքարել ենք, բայց դեռ մեր նպատակին չենք հասել»,- Ազատության հրապարակում «Հայաստան» դաշինքի նախաձեռնած հանրահավաքի ընթացքում իր ելույթի մեկնարկին նշեց «Հայաստան» խմբակցության պատգամավոր Իշխան Սաղաթելյանը:
Պատգամավորն այնուհետև հիշեցրեց տեղի ունեցած խորհրդարանական ընտրություններն ու նշեց, որ արդյունքում իշխանությունը վերարտադրվեց՝ երկիրը տանելով նոր կորուստների և նոր զիջումների։
«Ընտրություններից հետո շարունակվում են մեր կորուստները։ Թշնամին շարունակում է ագրեսիան ՀՀ ինքնիշխան տարածքների նկատմամբ։ Այս իշխանությունների կողմից չկա դիմադրություն, չկա պայքար։ Կեղծ, ինքնահռչակ, ցնորամիտ խաղաղասիրության գաղափարներով երկիրը փորձում են տանել նոր կապիտուլացիայի»,- հայտարարեց Սաղաթելյանը։
Պատգամավորը հավելեց, որ պատերազմ ավարտված չէ. «Այսօր Շուշիի մոտակայքում տեղի են ունեցել ունեցած կրակոցներ: Թշնամին շարունակում է հավակնություններ ունենալ և փորձում է հայաթափել Արցախն ու թուրքացնել»։
«Ինչ պետք է անենք մենք. պետք է ձևավորենք համազգային դիմադրություն։ Այսօր հիմք ենք դնում համազգային դիմադրության, որը կկանխի նոր կապտուլացիան։ Այս հրապարակից հայտարարում ենք համազգային դիմադրություն ձևավորելու գործընթաց»,- ընդգծեց Սաղաթելյանը:
Մանրամասները՝ տեսանյութում:
