Քաղաքականություն
08.11.2021 | 18:07«Եթե ուրիշ արդյունավետություն չլիներ, միայն այն, որ Սփյուռքի նախարարությունը փակելով՝ հսկայական կոռուպցիոն ռիսկեր են ոչնչացվել, հսկայական քանակով ավելորդ «մեռած հոգիներ» են դուրս եկել, դա արդեն արդյունավետություն է: Այս մասին ԱԺ գիտության, կրթության, մշակույթի, սփյուռքի, երիտասարդության և սպորտի ու ֆինանսավարկային և բյուջետային հարցերի մշտական հանձնաժողովների համատեղ նիստում նշեց «Քաղաքացիական պայմանագիր» խմբակցության պատգամավոր Հակոբ Ասլանյանը՝ անդրադառնալով «Հայաստան» խմբակցության պատգամավոր Արթուր Խաչատրյանի հարցին, թե կառուցվածքային փոփոխության արդյունքում Սփյուռքի նախարարությունը դարձավ հանձնակատարի գրասենյակ. որքանո՞վ բարձրացավ գերատեսչության արդյունավետությունը:
«Հեղափոխությունից անմիջապես հետո ղեկավարել եմ «Հայրենիք-Սփյուռք» կենտրոն ՊՈԱԿ-ը: Այնտեղ 40 հոգանոց մի խումբ էր, և պարզվեց, որ ընդամենը 29 հոգի է աշխատում, 11 հոգու ես ազատել էի, և ոչ մի բողոք չկար»,- նշեց Ասլանյանը:
Նա նաև հավելեց, որ 2018-ին իրականացվել է «Արի տուն» ծրագիրը որի համար նախատեսվել էր 96 միլիոն, բայց վերահաշվարկի ժամանակ պարզվել է, որ 46 միլիոնով էլ կարող է այդ նույն ծրագիրն իրականացնել, և այդ ծրագիրն իրականացվել է 41 միլիոն դրամով:
«Հեղափոխություն անելով՝ առաջին հերթին երկրի թալանն ենք կանգնեցրել»,-ընդգծեց Ասլանյանը:
Մանրամասները՝ տեսանյութում:
