Քաղաքականություն
08.11.2021 | 19:29
Ախալքալաքի մետրոպոլիտ Նիկոլոզը Ռուսթավիի բանտում մեղքերի թողություն և հաղորդություն է տվել Վրաստանի նախկին նախագահ Միխայիլ Սաակաշվիլիին, հայտնում է «Սպուտնիկի» վրացական ծառայությունը։
Միխայիլ Սաակաշվիլին հոկտեմբերի 1-ից հացադուլ է հայտարարել՝ ի նշան իր ձերբակալության դեմ բողոքի։ Նրա անձնական բժիշկ Նիկոլոզ Կիպիանիի խոսքով՝ հացադուլի 39-րդ օրը նրա վիճակը ծանր է՝ մոտ ծայրահեղ ծանրի։
Մետրոպոլիտ Նիկոլոզը լրագրողներին հայտնել է, որ բանտից դուրս գալուց հետո Սահակաշվիլին ցանկություն է հայտնել մեղքերի թողություն անել։
«Համարել է, որ ցանկանում է Սուրբ հաղորդություն ստանալ։ Երբ Պատրիարքին ասացի այդ մասին, նա ոչ մի րոպե չվարանեց և ասաց, որ քանի որ դրա կարիքն ունի, պետք է հաղորդություն ստանա»,- ասել է մետրոպոլիտ Նիկոլոզը։
Նախկին նախագահի հնարավոր ազատման մասին հարցին ի պատասխան՝ հոգևորականն ասել է․ «Ինչ վերաբերում է նրան ազատ արձակելուն, ապա ես կարծում եմ, որ բոլոր մարդիկ պետք է պատասխան տան իրենց արարքների համար, բայց դատարանի որոշումը պետք է համարժեք լինի»։
Տաթև Ֆռանգյան
