21.12.2025 | 12:17
Պակիստանի նախկին վարչապետ Իմրան Խանը և նրա կինը դատապարտվել են 17 տարվա ազատազրկման
Իրանը զորավարժությունների ընթացքում սեփական արտադրության կամիկաձե ԱԹՍ-ներ է կիրառել
Քաղաքականություն
08.11.2021 | 19:37
Իրանի զինված ուժերը սեփական արտադրության կամիկաձե անօդաչու թռչող սարքերի միջոցով ոչնչացրել են երևակայական հակառակորդի թիրախները։ Դա տեղի է ունեցել Իսլամական Հանրապետության հարավ-արևելյան ափամերձ շրջաններում և ռազմածովային գոտիներում լայնածավալ զորավարժությունների ժամանակ, հայտնում է Mehr գործակալությունը։
«Զոլֆաղար 1400» ծածկանունով ուսումնավարժական զորավարժությունների հիմնական փուլում «Արաշ» անօդաչու թռչող սարքերը (ԱԹՍ) անցել են մեծ տարածություն՝ թիրախները բարձր ճշգրտությամբ խոցելու համար։
Մինչ մարտական անօդաչու թռչող սարքերը ոչնչացրել են երևակայական հակառակորդի նավերը, հետախուզական անօդաչու սարքերը հսկել են զորավարժությունների տարածքը։
Իրանի «Մերսադ» կարճ և միջին հեռահարության զենիթահրթիռային համակարգը նույնպես խոցել է մի շարք թիրախներ։ Ընթացիկ զորավարժություններն ընդգրկում են Իրանի հարավ-արևելքից ավելի քան մեկ միլիոն քառակուսի կիլոմետր տարածք՝ ընդգրկելով Հորմուզի նեղուցը (որը կապում է Պարսից ծոցը Արաբական ծովի հետ) և Հնդկական օվկիանոսի հյուսիսը։ Զորավարժությունների հիմնական փուլին մասնակցել են ցամաքային, զրահատանկային ստորաբաժանումները, մեքենայացված գնդերը, ռազմածովային ուժերի, ռազմաօդային ուժերի և հակաօդային պաշտպանության ստորաբաժանումները։
Տաթև Ֆռանգյան
