22.11.2024 | 12:57
Կուրսկի շրջանում ուկրաինական հարվածի հետևանքով ԿԺԴՀ բանակի գեներալ է վիրավորվել.WSJ
Իրանի ԱԳՆ խոսնակը հայտարարել է, որ Թեհրանը միշտ դեմ է եղել «Ադրբեջանի տարածքների օկուպացիային» և «աջակցել է տարածքային ամբողջականությանը»
Քաղաքականություն
08.11.2021 | 14:47
Իրանի ԱԳՆ խոսնակ Սայիդ Խաթիբզադեն հայտարարել է, որ Թեհրանը միշտ էլ աջակցել է «Ադրբեջանի տարածքային ամբողջականությանը», հաղորդում է Mehr գործակալությունը։
Ճեպազրույցի ընթացքում խոսելով Ադրբեջանի ու Իրանի հարաբերությունների մասին՝ նա ասել է․ «Վերջին 30 տարիների ընթացքում մենք միշտ հանդես ենք եկել «Ադրբեջանի տարածքների օկուպացիայի դեմ» և աջակցել այդ երկրի ինքնիշխանությանն ու տարածքային ամբողջականությանը։ Երկու երկրների առաջնորդները ցանկանում են ընդլայնել հարաբերությունները, և պարբերական զրույցներ են տեղի ունենում արտաքին գործերի նախարարների ու այլ պաշտոնյաների միջև, և մենք հուսով ենք տեսնել հարաբերությունների առավելագույն զարգացում»։
Նշենք, որ Բաքվում Իրանի դեսպանատունը թվիթերյան գրառմամբ շնորհավորել է Ադրբեջանի, այսպես ասած, «Հաղթանակի օրվա» կապակցությամբ։
«Իրանի դեսպանատունը շնորհավորում է բարեկամական ու եղբայրական Ադրբեջան պետությանն ու ժողովրդին՝ տարածքային ամբողջականության վերականգնման կապակցությամբ, մասնավորապես՝ մեր ընդհանուր սահմանների 132 կմ-անոց հատվածի վերականգնման միամյակի կապակցությամբ»,- ասվում է դեսպանատան գրառման մեջ։
Էմմա Չոբանյան
