31.03.2026 | 19:25
Սերո Խանզադյան փողոցում տներ են այրվում. դեպքի վայր է մեկնել 6 մարտական հաշվարկ
ԱՆ-ի հրապարակած կադրերից հետո Սաակաշվիլին հրաժարվել է բուժումից
Քաղաքականություն
07.11.2021 | 19:57
Վրաստանի նախկին նախագահ Միխեիլ Սաակաշվիլին, ով ավելի վաղ բանտում հացադուլ էր հայտարարել, հրաժարվել է դեղեր ընդունել այն բանից հետո, երբ Արդարադատության նախարարությունը հրապարակել է կադրեր, որտեղ երևում է, որ նա սնունդ է ընդունում։ ՏԱՍՍ-ի փոխանցմամբ՝ այս մասին լրագրողներին հայտնել է Վրաստանի նախկին առաջնորդի անձնական բժիշկ Նիկոլոզ Կիփշիձեն։
Հիշեցնենք, որ Վրաստանի Քրեակատարողական ծառայությունը հրապարակել է կադրեր 12-րդ քրեակատարողական հիմնարկից, մասնավորապես՝ Միխեիլ Սաակաշվիլիի խցից։
Տեսանյութում երևում է, որ Վրաստանի նախկին նախագահ Միխեիլ Սաակաշվիլին շիլա է ուտում։
Սաակաշվիլին մեկնաբանել է ԱՆ-ի տարածած տեսանյութը։ Քաղաքական գործչի խոսքով՝ թույլատրվում է սնունդ ընդունել միայն բանտախցերում, իսկ բուժկետում դեղ են ընդունում՝ հաբերի կամ հեղուկի տեսքով։ Նա շեշտել է, որ այն, ինչ ստացել է, «կերակուր չէ», և ինքը, իբր, շարունակում է հացադուլը։
