15.10.2026 | 16:55
Բրյուսելը սպասում է Զելենսկիին․ մեկնարկեց Եվրոպական խորհրդի գագաթնաժողովը․ ԼՈՒՍԱՆԿԱՐՆԵՐ
Norway Chess-2017. Կարլսենին, Կրամնիկին և Կարյակինին հաղթած Լևոն Արոնյանն այսօր կխաղա Անանդի հետ
15.06.2017 | 13:09
Նորվեգիայի Ստավանգեր քաղաքում ավարտին մոտեցող Norway Chess-2017 սուպերմրցաշարում հունիսի 15-ին կկայանան նախավերջին՝ 8-րդ տուրի պարտիաները. փոխանցում է sport.news.am-ը:
Նախորդ 3 տուրերում աշխարհի չեմպիոն Մագնուս Կարլսենին ու ռուսաստանցիներ Վլադիմիր Կրամնիկին և Սերգեյ Կարյակինին հաղթած Լևոն Արոնյանը սպիտակներով կխաղա աշխարհի նախկին չեմպիոն Վիշվանաթան Անանդի հետ: Հայկական շախմատի առաջատարն ունի 5 միավոր և միանձնյա առաջատարն է:
Տուրի պարտիաները կմեկնարկեն Երևանի ժամանակով 18:00-ին:
Norway Chess-2017, 8-րդ տուր
Լևոն Արոնյան (Հայաստան, 2793) – Վիշվանաթան Անանդ (Հնդկաստան, 2786)
Հիկարու Նակամուրա (ԱՄՆ, 2785) – Ուեսլի Սո (ԱՄՆ, 2812)
Մագնուս Կարլսեն (Նորվեգիա, 2832) – Սերգեյ Կարյակին (Ռուսաստան, 2781)
Մաքսիմ Վաշյե-Լագրավ (Ֆրանսիա, 2796) – Վլադիմիր Կրամնիկ (Ռուսաստան, 2808)
Անիշ Գիրի (Հոլանդիա, 2771) – Ֆաբիանո Կարուանա (ԱՄՆ, 2808)
Մրցաշարային դրությունը 7-րդ տուրից հետո. Արոնյան՝ 5 միավոր, Նակամուրա՝ 4.5, Կրամնիկ, Գիրի՝ 4-ական, Սո՝ 3.5, Կարյակին, Կարուանա, Անանդ՝ 3-ական, Կարլսեն, Վաշյե-Լագրավ՝ 2.5-ական:
