21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Փաշինյան-Ալիև-Պուտին հանդիպման շուրջ քննարկումներ կան, բայց փաստաթուղթ այս պահին չկա. Սանոսյան․ ՏԵՍԱՆՅՈՒԹ
Քաղաքականություն
02.11.2021 | 13:38
Փաշինյան-Ալիև-Պուտին հանդիպման շուրջ քննարկումներ կան, բայց փաստաթուղթ մինչև այս պահը, կարծում եմ չկա: Այս մասին ԱԺ-ում լրագրողների հետ զրույցում նշեց Տարածքային կառավարման և ենթակառուցվածքների նախարար Գնել Սանոսյանը:
«Ես ավելին չգիտեմ, արտգործնախարարության գործընկերները միգուցե կասեն»,- նշեց նախարարը:
Անդրադառնալով դիտարկմանը, որ Պուտինը հայտարարել է ցավոտ փոխզիջումների մասին՝ Սանոսյանը նշեց. «Այո, մեր վիճակը ցավոտ է, բայց սա է մեր իրականությունը։ Մենք հայտնվել ենք այս իրականության մեջ։ Եվ այս իրականության մեջ կարևոր մասնաբաժին ունի խաղաղ ապրելը, զարգանալը, ոտքի կանգնելը։ Եվ դրա մեջ կարևոր դերակատարում ունի մեր սահմանների հստակեցումը, որպեսզի անընդհատ մենք սահմանային վեճ չունենանք, որպեսզի ինչ-որ մեկի մեքենային ինչ-որ մեկը ոտքով չհարվածի։ Դրա համար այդ երևույթից պետք չէ վախենալ, խուսափել։ Նույնիսկ եթե մեկ-երկու տեղով էլ կարող է ինչ-որ ցավոտ բան լինել, ավելի լավ է էդ ցավոտ խնդիրը ֆիքսել, նկատի ունենալ, որ սա է մեր սահմանները, քան անընդհատ, ամեն օր ինչ-որ միջադեպեր ունենալ ու դրանցով զբաղվել։ Դրա համար մեզ այդ գործընթացը պետք է, որպեսզի հստակեցնենք մեր սահմանները և զարգանանք այն սահմանների մեջ, որոնք փաստացի ունենք»,- ասաց Սանոսյանը։
Մանրամասները՝ տեսանյութում:
