29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Մինչև ապամոնտաժումը կարելի էր երեխաներին հանել տարածքից․ Միրա Անտոնյան․ ՏԵՍԱՆՅՈՒԹ
Հասարակություն
19.10.2021 | 16:29
Երեխաները հավասարապես տուժում են ինչպես իրենց հանդեպ բռնության ուղղակի գործողություններից, այնպես էլ դրա վկան լինելով, երբ բռնություն է կիրառվում իր մտերիմի, իր ընտանիքի անդամի նկատմամբ։ Այս մասին «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով քննարկման ժամանակ ասաց «Հայ օգնության ֆոնդի երեխաների աջակցության կենտրոնի» ղեկավար Միրա Անտոնյանը՝ երախտագիտությունը հայտնելով ՄԻՊ Արման Թաթոյանին, որ շատ արագ արձագանքեց երեխաների ու ոստիկանների մասնակցությամբ երկու օր առաջ տեղի ունեցած միջադեպին։
«Միայն ընտանիքի անդամները չէ, եթե անգամ անծանոթ լինի, անծանոթի նկատմամբ բռնություն կիրառվի երեխայի ներկայությամբ, երեխան տուժում է դրանից։ Կարելի էր շատ պարզ գործողություններ անել ու մինչև ապամոնտաժումը սկսելը կարելի էր երեխաներին շատ նրբորեն այդտեղից հեռացնել։ Այնպես չէ, որ նոր ստեղծված կոնֆլիկտ է եղել, հայտնի է, որ նախապես է ապամոնտաժման որոշում եղել, հետևաբար՝ հայտնի եղել նաև ,որ դրա սեփականատերը համամիտ չի լինելու այդ շինության ապամոնտաժման հետ։ Ոստիկանության ընթացակարգում պիտի կարմիրով գրված լինի, որ ոստիկանությունը ինչ-որ բռնի գործողություն անելուց առաջ ուղղակի պարտավոր է տվյալ տարածքում գտնվող երեխաների հուզական անվտանգությունը ապահովել։ Դա պիտի պարտադիր լինի ու նույնքան պարտադիր, որքան հենց այդ ապամոնտաժումը։
Եթե գործողություններ կատարելու ընթացքում առաջ է գալիս երեխաների շահերի հետ բախում, ապա անպայման պիտի առաջնահերթ համարվի հենց երեխայի շահը։
Ուժային կառույցները հրահանգներով են աշխատում, մենք դրա դեմ ոչինչ չենք կարող անել, բայց փոխարենը կարող ենք հրահանգները դարձնել գրագետ ու երեխայակենտրոն»,- նշեց Անտոնյանը։
Մանրամասները՝ տեսանյութում:
