10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Սահմանամերձ Ճամբարակի թիվ 1 դպրոցի տարածքում թաքստոց է կառուցվել
13.06.2017 | 14:23
Քաղաքացիական պաշտպանության խնդիրները մշտապես գտնվում են ՀՀ ԱԻ նախարարության ուշադրության կենտրոնում:
Օրերս Ճամբարակի թիվ 1 միջնակարգ դպրոցի տարածքում ՀՀ արտակարգ իրավիճակների նախարարության ՓԾ Գեղարքունիքի մարզային փրկարարական վարչության ջանքերով և Ճամբարակի քաղաքապետի աջակցությամբ կառուցվել է թաքստոց:
Այն նախատեսված է հակառակորդի կողմից հրադադարի պահպանման ռեժիմը խախտելու դեպքում սահմանամերձ համայնքի երեխաների անվտանգությունն ապահովելու համար:
Թաքստոցում կարող է պատսպարվել առավելագույնը 20 մարդ: Սահմանամերձ համայնքներում թաքստոցների կառուցման նախաձեռնությունն ունի շարունակական բնույթ: Մոտ ապագայում նմանօրինակ թաքստոց կկառուցվի նաև մարզի մյուս սահմանամերձ համայնքում՝ Վահան գյուղում:
Նշենք, որ ՀՀ Գեղարքունիքի մարզի Ճամբարակ քաղաքը և Վահան գյուղը սահմանամերձ համայնքներ են, որոնք բարձրլեռնային են և ունեն ծովի մակարդակից շուրջ 2000 մ բարձրություն: Ճամբարակում գործում է չորս միջնակարգ դպրոց, որից երեքը` հիմնական և մեկը` ավագ: Ճամբարակն ունի մեկ մարզադպրոց և 2 մսուր-մանկապարտեզ:
