03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Էրդողանը պատրաստվում է այցելել Սոչի․ Պուտինի հետ կքննարկեն նաև Լեռնային Ղարաբաղի հետ առնչվող հարցեր
Քաղաքականություն
20.09.2021 | 12:27
Ռեջեփ Թայիփ Էրդողանը սեպտեմբերի վերջին պատրաստվում է այցելել Ռուսաստան։ Սոչիում սպասվում է Թուրքիայի նախագահի հանդիպումը Վլադիմիր Պուտինի հետ։ Կողմերը, ըստ Ահվալ գործակալության, կքննարկեն Սիրիայի հյուսիսարևմուտքում տիրող իրավիճակը։
«Օրակարգի գլխավոր կետը Սիրիան է, հատկապես Իդլիբը։ Իդլիբի համաձայնագրով նախատեսված պայմանները լրիվ չեն կատարվել»,- ասել է թուրք բարձրաստիճան պաշտոնյան անանունության պայմանով։
Հիշեցնենք՝ Իդլիբի համաձայնագիրը կնքվել էր 2020թ-ի մարտին Թուրքիայի ու Ռուսաստանի միջև շաբաթներ տևած բախումներից հետո։ Այսօր՝ 18 ամիս անց, Թուրքիան ու Ռուսաստանը պարբերաբար դժգոհում են հրադադարի խախտումներից։
Ըստ լրատվամիջոցի՝ Էրդողանը Պուտինին հանդիպելու է Սոչիում երկօրյա այցի շրջանակներում ՄԱԿ-ի Գլխավոր վեհաժողովին մասնակցելուց հետո։ Այցի ժամկետների մասին դեռ ոչինչ չի հաղորդվում։
Ի դեպ, թուրք պաշտոնյան հայտնել է, որ քննարկվելու է նաև Լեռնային Ղարաբաղի հարցը և Ուկրաինային թուրքական անօդաչուների վաճառքի թեման, մեկ այլ պաշտոնյա էլ ասել է, որ կարող է քննարկվել նաև ռազմական ոլորտում հետագա համագործակցության հարցը։
Էմմա Չոբանյան
