11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
Թուրքիայի ազդեցության գոտին և շահերը տարածվում են նրա սահմաններից դուրս․ Թուրքիայի ՊՆ ղեկավար
Քաղաքականություն
03.05.2024 | 22:27
Թուրքիայի պաշտպանության նախարար Յաշար Գյուլերը CNNTurk-ի հետ զրույցում նշել է, որ ահաբեկչությունն իր սկզբնաղբյուրում ոչնչացնելու ռազմավարություն են իրականացնում։ Հայտարարելով, որ Իրաքը Թուրքիայի պատմական հարևանն է, և իրենք ցանկանում են լավ հարաբերություններ պահպանել, Գյուլերն ասել է, որ PKK-ն հաստատվել է Հյուսիսային Իրաքում և երկար տարիներ գործում է այնտեղ։
Յաշար Գյուլերը երախտագիտություն է հայտնել Իրաքի իշխանություններին PKK-ն ահաբեկչական կազմակերպություն ճանաչելու համար՝ նշելով, որ դա դժվար որոշում էր այդ երկրի համար։
Նա, միաժամանակ, դժգոհություն է հայտնել, որ որոշ դաշնակիցներ օդաչուների են պատրաստում PKK/YPG-ի համար, որը Թուրքիան համարում է ահաբեկչական կազմակերպություն։ Գյուլերը կոչ է արել դաշնակիցներին դադարեցնել այդ խմբավորումներին աջակցելը և Թուրքիային չմոլորեցնել PKK-ի հետ իրենց կապերի հարցում։
Ըստ Գյուլերի՝ Թուրքիան կռվում է PKK-ի դեմ Իրանի, Իրաքի և Սիրիայի հետ սահմանին, սակայն դժվարությունների է բախվում այդ հարցում իր հարևանների հետ շփումներում։
«Իրանի հետ սահմանին մենք պայքարում ենք PKK-ի հետ։ Նրանք հատում են սահմանն ու թաքնվում։ Մենք տեղեկացնում ենք մեր իրանցի ընկերերին և ցույց տալիս, թե որտեղ են թաքնվել, սակայն նրանք պնդում են, որ այնտեղ ոչ ոք չկա։ Դա անընդունելի է»,- ասել է թուրք պաշտոնյան։
Նա նաև հայտարարել է, որ Թուրքիայի ազդեցության գոտին և շահերը տարածվում են նրա սահմաններից դուրս՝ Սոմալիից մինչև Ադրբեջան։
«Թուրքիան մի երկիր է, որն այլևս չի կարող տեղավորվել իր սահմաններում։ Մեր մի ծայրը Սոմալիում է, մյուս ծայրը՝ Ադրբեջանում և Կենտրոնական Ասիայի մեր եղբայրների հետ»,- նշել է Գյուլերը։
