01.11.2024 | 19:22
Գյումրիի ավագանու «Բալասանյան դաշինքը» 13 թափուր մանդատ ունի, 1 թեկնածու մանդատ է վերցրել
Բեռլինում ՌԴ դեսպանատան գործերի հավատարմատարը կանչվել է Գերմանիայի ԱԳՆ
Քաղաքականություն
03.05.2024 | 22:12
Գերմանիայում ՌԴ դեսպանատան գործերի ժամանակավոր հավատարմատարը կանչվել է երկրի ԱԳՆ՝ կապված 2023 թվականի հունվարին իշխող Սոցիալ-դեմոկրատական կուսակցության էլեկտրոնային փոստի սերվերի վրա հաքերային հարձակման հետ։ Այս մասին հայտնել է Գերմանիայի ԱԳՆ ներկայացուցիչ Քրիստիան Վագները, փոխանցում է DW-ի ռուսական ծառայությունը։
Նրա խոսքով՝ հաքերային հարձակման հետ կապված միջադեպը ցույց է տալիս, որ «ռուսական սպառնալիքը Եվրոպայում անվտանգության ու խաղաղության համար իրական է և ահռելի»։
Ավելի վաղ էլ Ավստրալիայում այցով գտնվող Գերմանիայի ԱԳ նախարար Անալենա Բերբոքը հայտարարել էր, որ ավարտվել է հաքերային հարձակման աղբյուրի վերլուծությունը, և երկրի իշխանությունները հանգել են եզրակացության, որ հարձակման հետևում կանգնած է APT28 հաքերային խումբը, որը կապված է ռուսական ռազմական հետախուզության հետ։
Սոցիալ-դեմակրատական կուսակցության սերվերները կոտրելու մասին հայտարարվել էր 2023 թվականի հունիսին։ Այդ ժամանակ կուսակցության գլխավոր քարտուղար Քևին Քյուներտը հայտնել էր, որ կան «համոզիչ հիմքեր՝ ենթադրելու, որ հաքերային հարձակումն իրականացվել է Ռուսաստանից»։
