27.10.2026 | 17:05
Կապանում նախկինում պարտված ՔՊ-ական Նարեկ Բաբայանը կրկին համայնքապետի պաշտոնի համար կպայքարի
Արարատի մարզպետ Ռազմիկ Թևոնյանը հրաժարականի դիմում է ներկայացրել
Քաղաքականություն
09.09.2021 | 15:13
Արարատի մարզպետ Ռազմիկ Թևոնյանը հրաժարականի մասին տեղեկությունը Factor.am-ի հետ զրույցում հաստատեց Թևոնյանի որդին՝ ԱԺ ՔՊ խմբակցության պատգամավոր Սեդրակ Թևոնյանը:
Պատգամավորը չմեկնաբանեց, թե որն է եղել հոր հրաժարականի պատճառը։
Factor.am-ը տեղեկությունը փորձեց ճշտել Թևոնյանի աշխատակազմից: «Պարոն Թևոնյանն այս պահին խորհրդակցության է»,- պատասխանեցին մեզ։
Factor.am-ը փորձեց կապ հաստատել նաև մարզպետի հետ, սակայն նրա հեռախոսահամարն անհասանելի էր, իսկ խոսնակը՝ չպատասխանեց հեռախոսազանգերին։
Հիշեցնենք՝ Ռազմիկ Թևոնյանը մարզպետի պաշտոնին էր նշանակվել 2020 թվականի դեկտեմբերի 10-ին։ Մինչ այդ՝ 2017 թվականի խորհրդարանական ընտրություններին «ԵԼՔ» դաշինքի կողմից առաջադրվել է որպես ԱԺ պատգամավորի թեկնածու։
Ռոզա Վարդանյան
