20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Նրանք կամ պետք է հեռանան, կամ ոչնչացվեն․ ադրբեջանցի պատգամավորն առաջարկել է «հակաահաբեկչական գործողությամբ Արցախը մաքրել հայերից»
Քաղաքականություն
25.08.2021 | 22:03
Ադրբեջանի Միլի Մեջլիսի պատգամավոր Էլման Մամեդովը Yenisabah.az-ի հետ զրույցում Արցախի հայությանը վերացնելու կոչեր է հնչեցրել։
Պատգամավորը, որը, ինչպես նշվում է հրապարկման մեջ, ներկայացնում է Արցախի Իվանյան համայնքը՝ Խոջալուն, հայտարարել է, որ «իրենց տարածքները մաքրելու են օկուպանտներից, հանցագործներից ու անջատողականներից։
«Մենք աչք չենք փակի դրա վրա։ 2020թ. նոյեմբերի 10-ի հայտարարությամբ` Ռուսաստանը, իր վրա վերցնելով խաղաղարար առաքելություն, պետք է դա կատարեր, այսինքն՝ դուրս բերեր Ադրբեջանի տարածքն անօրինական զինված խմբավորումներից։ Հիմա հայտարարությունից 9 ամիս անցել է։ Դրա փոխարեն` ռուս խաղաղապահներն օգնում ու պաշտպանում են Ղարաբաղի հայերին»,- ասել է Մամեդովը։
Նա նշել է, որ Ադրբեջանը հայերի դեմ «հակահաբեկչական գործողություն պետք է սկսի»։ «Նրանք կամ պետք է հեռանան, կամ պետք է ոչնչացվեն»,- ասել է ադրբեջանցի պատգամավորը, որն Ալիևի «Յենի Ազերբաջան» կուսակցության անդամ է։
Էմմա Չոբանյան
