09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Դեռևս հատուկ պայմաններում պահվող զինվորների մարմիններ կան, բայց չեմ կարող ասել՝ քանիսն են. Ավանեսյան․ ՏԵՍԱՆՅՈՒԹ
24.08.2021 | 16:45
«Այս պահին դիահերձարաններում պահվում են զոհված զիվորների մարմիններ»,- Աժ-ում լրագրողների հետ զրույցում ասաց առողջապահության նախարար Անահիտ Ավանեսյանը՝ հավելելով, որ չի կարող այս պահին ասել, թե քանի մարմին է պահվում:
«Մենք ունեինք որոշակի մասնունքներ, որոնք փորձաքննությունների արդյունքում չէինք կարողանում բացահայտել: Մենք պայմանավորվեցինք մեր հոլանդացի գործընկերների հետ և արդեն իսկ այդ փորձանմուշները գտնվում են Հոլանդիայում»,- ասաց նախարարը:
Նրա խոսքով, մոտավորապես 50 մասունքից չի ստացվում ԴՆԹ անջատել ու ստանալ որոշակի արդյունք. «Մոտ 50 մասունք արդեն իսկ Հոլանդիայում անցնում են ավելի բարդ փորձաքննությունների ընթացք»:
Ա. Ավանեսյանի խոսքով՝ դեռ կան մարմիններ, մասունքներ, որոնք արդեն իսկ նույնականացված են, բայց ծնողները ցանկություն են հայտնել կրկնակի, որոշ դեպքերում երրորդ, չորրորդ անգամ այլ երկրներում հաստատել պատասխանները: «Մինչև այս պահը 20-ից ավելի դեպքերում ստացել ենք նույն պատասխանները»,- ասաց առողջապահության նախարարը:
Մանրամասները՝ տեսանյութում:
