10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Էմանուել Մակրոնի «Առաջ, հանրապետություն» շարժումը հաղթել է խորհրդարանական ընտրությունների 1-ին փուլում
Քաղաքականություն
12.06.2017 | 10:58
Ֆրանիսայի նախագահ Էմանուել Մակրոնի կենտրոնամետ «Առաջ, հանրապետություն» շարժումը այս կիրակի տեղի ունեցած խորհրդարանական ընտրությունների առաջին փուլում առաջին հորիզոնականն է զբաղեցրել: Այս մասին են վկայում Ֆրանսիայի ներքին գործերի նախարարության տվյալները. հայտնում է ria.ru-ն:
Մակրոնի կուսակիցների օգտին քվեարկել է մասնակիցների 28.2%-ը: Դրան հաջորդում են «Հանրապետականները» (15.8%), ապա Մարին լը Պենի «Ազգային ճակատը» (12.2%), ձախակողմյան «Չնվաճված Ֆրանիսան» (11%), Սոցիալիստական կուսակցությունը (7.4%):
Ֆրանսիայի խորհրդարանի ստորին պալատի ընտրություններն անցկացվում են մեծամասնական համակարգով, թեկնածուներն ընտրվում են միամանդատ շրջաններից: Առաջին փուլում հաղթելու համար թեկնածուներից յուրաքանչյուրը պետք է 50%-ից ավելի ձայն ստանա: Այնտեղ, որտեղ դա տեղի չունենա, 1 շաբաթ անց կկայանա քվեարկության 2-րդ փուլը: Այս դեպքում արդեն բավական կլինի ուղղակի ձայների մեծամասնությունը ստանալը:
Սպասվում է, որ Մակրոնի կուսակիցներին կստանան խորհրդարանական տեղերի 70%-ը:
