Քաղաքականություն
04.08.2021 | 15:41«Քաղաքացիական պայմանագիր» կուսակցության քարտուղար ընտրվել է Նազելի Բաղդասարյանը, թեև կուսակցության հիմնադիրներից չէ: Factor.am-ի հետ զրույցում պարզաբանելով, թե ինչով էր պայմանավորված նախապատվությունն իրեն տալը, Նազելի Բաղդասարյանը նշեց, որ մայիսից անդամագրվել է կուսակցությանը. «Եվ ընտրություններից հետո քննարկում ենք ունեցել երկրի վարչապետի հետ, ով առաջարկել է իմ թեկնածությունը դիտարկել այս պաշտոնում:
Պատասխանատվությունը մեծ էր, և ես ասել եմ, որ եթե մեր քաղաքական թիմի անդամները կկարողանան այս առաջարկությունը պաշտպանել և եթե խմբակցության ներսում ստանամ ձայների համապատասխան քանակ, ապա պատրաստ կլինեմ այս պատասխանատու գործը ստանձնել:
Այդպես էլ տեղի ունեցավ: Խմբակցության նիստում քվեարկության դրվեց իմ և պարոն Կոնջորյանի ընտրության հարցը, և խմբակցության միաձայն քվեարկությամբ մեզ վստահվեց այս գործը:
Հուսով եմ՝ կկարողանամ արդարացնել և՛ մեր խմբակցության անդամների, և՛ մեր ընտրողների սպասելիքները»:
Մանրամասները՝ տեսանյութում:
