19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
ՀՀ-ն 3,4 մլրդ դրամի քովիդի նոր պատվաստանյութեր` «Ֆայզեր» և «Սինոֆարմ» ձեռք կբերի. ՏԵՍԱՆՅՈՒԹ
29.07.2021 | 11:27
Կառավարությունն իր այսօրվա՝ հուլիսի 29-ի նիստում փոփոխություններ կատարեց «Հայաստանի Հանրապետության 2021 թվականի պետական բյուջեի մասին» օրենքում:
Հարցը ներկայացրեց առողջապահության նախարարի պաշտոնակատար Անահիտ Ավանեսյանը՝ նշելով, որ նախագծի ընդունումը պայմանավորված է կորոնավիրուսի վարակի կանխարգելման նպատակով պատվաստանյութերի անխափան մատակարարման ապահովմամբ:
«Հայաստանը «Կովաքս»-ի հետ կնքված համաձայնագրի շրջանակներում հնարավորություն ունի ձեռքբերելու կովիդ-19-ի դեմ պատվաստանյութ, սակայն այն նախատեսված է ընդամենը բնակչության 10%-ի համար: Մնացած մեր թիրախային ցուցանիշներին հասնելու համար պատվաստանյութերը ձեռք են բերվում երկկողմանի համաձայնագրերի հիման վրա: Մենք ամեն ինչ անում ենք, որ հասանելի լինեն նաև նվիրատվությամբ տրվող պատվաստանյութերը ՀՀ-ին:
Այս որոշման շրջանակներում նախատեսվում է ձեռք բերել 500 հազար դեղաչափ պատվաստանյութ՝ չինական «Սինոֆարմ» և գերմանական «Ֆայզեր» ընկերությունների կողմից արտադրված: Այս նպատակով ուղղվող միջոցները կազմելու են 3,459 մլրդ դրամ»,- ասաց Ավանեսյանը:
