18.01.2026 | 20:50
Սիրիայի բանակը անցել է Եփրատը և հարձակվել քրդերի դիրքերի վրա
Թուրքիան մտադիր չէ ընդունել միգրանտների նոր ալիքի՝ Աֆղանստանում իրավիճակի սրման պատճառով
Քաղաքականություն
27.07.2021 | 17:59
Թուրքիան մտադիր չէ ստանձնել այլ երկրների միջազգային պարտավորությունն ու ընդունել միգրանտների նոր ալիքի՝ Աֆղանստանում իրավիճակի սրման պատճառով։ Այս մասին ասվում է Թուրքիայի ԱԳՆ պաշտոնական նեևկայացուցիչ Թանժու Բիլգիչի տարածած հայտարարության մեջ, գրում է ՏԱՍՍ-ը։
«Մենք զարմանքով ծանոթացանք Ավստրիայի կանցլեր Սեբաստիան Կուրցի հայտարարությանը, որը Թուրքիան անվանեց «ավելի հարմար վայր աֆղանցի փախստականների համար»։ Թուրքիան ոչ մի դեպքում չի ստանձնի երրորդ երկրների միջազգային պարտավորությունները և չի ընդունի միգրանտների նոր ալիքը։ Մենք տեղեկացնում ենք այս մասին մեր գործընկերներին բոլոր մակարդակներում՝ նշելով, որ Թուրքիան չի դառնա ԵՄ սահմանապահը կամ ճամբար ապաստան խնդրողների համար»,- ասվում է հայտարարության մեջ։
Ավելի վաղ Ավստրիայի կանցլերը գերմանական Bild-ի հետ զրույցում կարծիք էր հայտնել, որ Աֆղանստանից փախստականները պետք է գնան կա՛մ իրենց երկրի անվտանգ վայրեր, կա՛մ Թուրքիա։ Սեբաստիան Կուրցի կարծիքով՝ այս տարբերակն ավելի լավ կլինի, քան փորձել ապաստան գտնել Ավստրիայում, Գերմանիայում կամ Շվեդիայում։
