09.06.2026 | 00:17
Մարկո Ռուբիոն շնորհավորել է Փաշինյանին
Իրանում իրավապահների և ցուցարարների միջև բախումների զոհերի թիվը հասել է 5-ի․ Ալի Համենեին անդրադարձել է բողոքի ցույցերին
Քաղաքականություն
23.07.2021 | 18:09
«Վերջին 7-8 օրվա ընթացքում մեր մտահոգություններից մեկը եղել է Խուզեստանի հարցը, մարդկանց ջրի հարցը և մարդկանց խնդիրները»,- իրանական արտադրության COVIRAN BAREKAT կորոնավիրուսի դեմ պատվաստանյութի երկրորդ դեղաչափը ստանալուց հետո հայտարարել է Իսլամական Հանրապետության հոգևոր առաջնորդ այաթոլլա Ալի Համենեին, հաղորդում է Tehran Times-ը:
Ալի Համենեին «իրապես ցավալի է» անվանել այն, որ Խուզեստանի բնակիչները, ունենալով այդչափ բնական ռեսուրսներ ու ներուժ, տուժում են ջրային ռեսուրսների ոչ ճիշտ կառավարման պատճառով։
Վերջինս Խուզեստանի բնակիչներին անվանելով «չափազանց հավատարիմ»՝ հայտարարել է, որ «մարդիկ դժգոհում են»։
Վերջինս նաև ավելացրել է, որ Խուզեստանի նման շոգ շրջանում՝ ջրի պակասը փոքր խնդիր չէ։ Համենեին նաև նշել է, որ բնական է, որ մարդիկ իրենց դժգոհություններն են բարձրացնում։
Կրկնվող երաշտները, զուգորդված ջրային ռեսուրսների վատ կառավարմամբ, հարավարևմտյան Խուզեստան նահանգում հանգեցրել են նրան, որ մարդկիկ մասամբ կամ ամբողջությամբ կորցրել են իրենց ողջ բերքը: Նրանք չեն կարողանում անգամ ջուր տալ իրենց ընտանի կենդանիներին։
Արդեն ութերորդ օրն է, ինչ Իրանի մի շարք շրջաններում շարունակվում են խմելու և ոռոգման ջրի բացակայության պատճառով ծագած բողոքի ակցիաները։
Հիմնական բողոքի ակցիաները ծավալվել են երկրի հարավում գտնվող Խուզեստան նահանգում։ Իրանական անկախ աղբյուրների փոխանցմամբ՝ այստեղ իրավապահների և ցուցարարների միջև բախումների ընթացքում զոհվածների թիվը հասել է հինգի։ Եվս երկու հոգի հրազենային վիրավորում է ստացել Լորեստան նահանգի Ալիգուդրազ քաղաքում։
Այս տեղեկությունը հաստատել է Իրանի պետական հեռուստատեսությունը։
