07.05.2024 | 17:31
2024-ի առաջին երեք ամիսներին Հայաստանի արտաքին առևտրաշրջանառությունը կազմել է շուրջ 9.1 մլրդ դոլար
Թուրքիան Kargu ԱԹՍ-ների արտահանման առաջին պայմանագիրն է կնքել
Քաղաքականություն
23.07.2021 | 11:25
Թուրքական ռազմարդյունաբերական STM (Savunma Teknolojileri Mühendislik ve Ticaret AŞ) ընկերությունը առաջին պայմանագիրն է կնքել տեղական արտադրության Kargu կամիկաձե անօդաչու թռչող սարքերի արտահանման համար, գրում է «Անադոլու» գործակալությունը։
Kargu անօդաչու թռչող սաքերն առաջին անգամ ներկայացվել են IDEF 2017 թ-ի ցուցահանդեսի ժամանակ ու ներառվել թուրքական ԶՈՒ-ի զինանոցում՝ 2018թ-ին։ Այս անօդաչուները կարողանում են հայտնաբերել ու ոչնչացնել թիրախներն առանց կենդանի ուժի միջամտության։ Ըստ գործակալության՝ Kargu անօդաչուն գրավել է շատ երկրների ուշադրությունը, և մատակարարումներն արդեն կսկսեն իրականացվել 2021 թ-ի ընթացքում։ Հատկանշական է, որ չի նշվում, թե որ երկրի հետ է կնքվել Kargu անօդաչուի արտահանման առաջին պայմանագիրը։
Թուրքիայի ռազմարդյունաբերության վարչության ղեկավար Իսմայիլ Դեմիրը, խոսելով այս պայմանագրի մասին, Kargu անօդաչու թռչող սարքն անվանել է «Թուրքիայի ազգային հպարտություն»։
«Թուրքիան կշարունակի ավելացնել ռազմարդյունաբերության արտադրանքի արտահանումը, որն իրեն դրսևորել է մարտի դաշտում ու արտադրվել հայրենական ներուժի հիման վրա»,- ասել է նա։
Էմմա Չոբանյան
