22.07.2026 | 09:30
Համբուրգ․ Էլինա Ավանեսյանը վստահ հաղթանակով է մեկնարկել․ ՏԵՍԱՆՅՈՒԹ
Վաշինգտոնը Թուրքիային և Իսրայելին կոչ է անում լուծել տարաձայնությունները
Քաղաքականություն
07.05.2024 | 14:21
ԱՄՆ-ը Թուրքիային և Իսրայելին կոչ է անում լուծել տարաձայնություններն այն բանից հետո, երբ Անկարան դադարեցրել է առևտուրը հրեական պետության հետ՝ Գազայում հրադադար պարտադրելու նպատակով, գրում է AFP-ն։
«Երկուսն էլ մեր դաշնակիցներն են, և մենք կխրախուսենք նրանց՝ լուծել իրենց տարաձայնությունները»,- ասել է Պետքարտուղարության խոսնակ Մեթյու Միլլերը՝ պատասխանելով Թուրքիայի կողմից առևտրի սառեցման մասին հարցին:
Նա հրաժարվել է այլ մեկնաբանություններից։
Հիշեցնենք՝ Թուրքիայի Առևտրի նախարարությունը մայիսի 2-ին հայտարարել էր, որ Անկարան դադարեցնում է ամբողջ արտահանումն ու ներմուծումը Իսրայել։ Երկրի նախագահ Ռեջեփ Թայիփ Էրդողանն էլ ասել էր, որ ոչ մի ընդունելի բան չկա Իսրայելի և Պաղեստինի միջև տեղի ունեցող զարգացումների մեջ, և որ Իսրայելը մինչ այժմ դաժանորեն սպանել է 40-45,000 պաղեստինցիների:
«Որպես մահմեդականներ՝ մեզ համար անհնար է կանգնել և կողքից հետևել դրան։ Այլևս չէինք կարող համբերել, մենք մեր քայլերն արել ենք։ Մեր միջև առևտրի ծավալը կազմել է 9,5 միլիարդ դոլար։ Մենք փակեցինք այս դուռը»,- հայտարարել էր Էրդողանը։
Նա նաև նշել էր, որ Թուրքիան կփորձի առևտրային բոյկոտի միջոցով «ստիպել Իսրայելին համաձայնել հրադադարի» և ավելացնել Գազային մարդասիրական օգնությունը:
