Քաղաքականություն
20.07.2021 | 15:14Գեղարքունիքի մարզի Կութ գյուղի սահմանային հատվածում գիշերը մոտ 4 ժամ կրակոցներ են հնչել։ Այս մասին Factor.am-ի զրույցում ասել է Կութի համայնքապետ Սիմա Չիտչյանը։ Նրա խոսքով՝ առաջին անգամ է, որ երկար ժամանակով և նման ինտենսիվության փոխհրաձգություն է եղել՝ 21։30-ից մինչև 00։30։ Չիտչյանի խոսքով՝ մեկ օդ էին կրակում, մեկ՝ մեր դիրքերի ուղղությամբ, գյուղի վրա կրակոց չի եղել։
—
Երասխ համայնքի ղեկավար Ռադիկ Օղիկյանի՝ բեկորային վնասվածք ստանալու դեպքի առթիվ հարուցվել է քրեական գործ։ Քննչական կոմիտեի հաղորդման համաձայն՝ Օղիկյանը գտնվել է մարտական դիրքում, երբ հակառակորդի հետ փոխհրաձգության ընթացքում ստացել է բեկորային վնասվածք՝ աջ բազկի շրջանում:
Օղիկյանին վիրահատել են, նրա ինքնազգացողությունը լավ է:
—
«Քաղաքացիական պայմանագիր» կուսակցության ընտրական ցուցակի երրորդ համար Լիլիթ Մակունցը ինքնաբացարկի դիմում է ներկայացրել Կենտրոնական ընտրական հանձնաժողով: ԿԸՀ քարտուղար Արմեն Սմբատյանի խոսքով՝ ժամը 12:00-ի դրությամբ, ԿԸՀ-ն ինքնաբացարկի երկու դիմում է ստացել: Ավելի վաղ, ինքնաբացարկի դիմում էր ներկայացրել «Հայաստան» դաշինքի ցուցակը գլխավորող, ՀՀ երկրորդ նախագահ Ռոբերտ Քոչարյանը:
