Քաղաքականություն
20.07.2021 | 09:46
Հայ-ադրբեջանական սահմանի Երասխի հատվածում իրավիճակը այս պահի դրությամբ հանգիստ է։
Այս մասին Factor.am-ի հետ զրույցում հայտնեցին Պաշտպանության նախարարության տեղեկատվության և հասարակայնության հետ կապերի վարչությունից. «Հայ-ադրբեջանական սահմանի մյուս հատվածներում իրավիճակը համեմատաբար կայուն է։ Այլ տեղեկությունների մասին լրացուցիչ կհայտնենք»։
Հիշեցնենք՝ երեկ՝ հուլիսի 19-ին, ՀՀ պաշտպանության նախարարությունը հայտնեց, որ ժամը 18:40-ից սկսած՝ ադրբեջանական ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի Երասխի հատվածում տեղակայված հայկական դիրքերի ուղղությամբ, ինչի արդյունքում ծավալվել է ինտենսիվ փոխհրաձգություն: Ադրբեջանական զինված ուժերը կիրառել է ականանետեր։
ՀՀ զինված ուժերը կորուստներ չունեն։ Ադրբեջանցիների արձակած կրակոցներից վիրավորվել է Երասխ համայնքի ղեկավար Ռադիկ Օղիկյանը։
