Քաղաքականություն
19.07.2021 | 14:47
Կրեմլում հաստատել են, որ նախապատրաստվում է Ադրբեջանի նախագահ Իլհամ Ալիևի այցը Մոսկվա։ Լրագրողների հետ զրույցում այս մասին հայտնել է ՌԴ նախագահի մամուլի խոսնակ Դմիտրի Պեկովը, գրում է ՌԻԱ Նովոստին։
«Այո՛, նման այց նախապատրաստվում է։ Դա աշխատանքային այց է»,- լրագրողներին ասել է Պեսկովը՝ պատասխանելով հարցին՝ արդյո՞ք նախագահ Պուտինի գրաֆիկում կա հանդիպում Ալիևի հետ։
Պեսկովը նաև հավելել է, որ այցի ընթացքում որևէ փաստաթղթի ստորագրում չի նախատեսվում։
Նշենք, որ ավելի վաղ ռուսական լրատվամիջոցներում տեղեկություն էր տարածվել, որ հուլիսի 20-ին Ադրբեջանի նախագահ Իլհամ Ալիևը մեկնելու է Մոսկվա՝ բանակցություններ անցկացնելու ՌԴ նախագահ Վլադիմիր Պուտինի հետ։
Հավելենք, որ Ադրբեջանի նախագահն Արցախյան պատերազմից հետո արտասահմանյան այցեր գրեթե չի կատարում։ Վերջինն այս տարվա հունվարին Մոսկվա կատարած այցն էր։
Էմմա Չոբանյան
