26.04.2026 | 13:38
ՃՏՊ Գեղամասար բնակավայրում․ կա տուժած
Չինաստանի արտաքին առևտուրն աճել է ավելի քան 30 տոկոսով․ DW
Քաղաքականություն
13.07.2021 | 17:23
Հունիսին Չինաստանից ապրանքների և ծառայությունների արտահանումը, նախորդ տարվա հունիսի համեմատ, աճել է 32,2 տոկոսով և կազմել 281 միլիարդ դոլար: Այս մասին հուլիսի 13-ին հայտնել է ՉԺՀ գլխավոր մաքսային վարչությունը, գրում է DW-ի ռուսական ծառայությունը:
Այս դինամիկան զարմացրել է փորձագետներին: Մասնավորապես, Reuters-ի կողմից հարցված տնտեսագետները կարծիք են հայտնել, որ աճը կկազմի 23,1 տոկոս: Տոկոսային առումով է՛լ ավելի աճել է ներմուծումը։ Հունիսին դրա ծավալը կազմել է 230 միլիարդ դոլար, ինչը 36,7 տոկոսով ավելին է 2020 թվականի նույն ամսվա համեմատ։
Հունիսին Չինաստանից Գերմանիա արտահանումն աճել է 26,9 տոկոսով, ներմուծումը՝ 28,6 տոկոսով: Տարվա երկրորդ կեսին Չինաստանի իշխանություններն ակնկալում են արտաքին առևտրի աճի տեմպի դանդաղում:
Համաձայն պաշտոնական վիճակագրության՝ Չինաստանի տնտեսությունը բարեհաջող կերպով հաղթահարել է կորոնավիրուսային համաճարակի հետևանքները։ Առաջին կիսամյակում տնտեսական աճը կազմել է 18,3 տոկոս՝ 2020 թվականի նույն ժամանակահատվածի համեմատ։
ՉԺՀ իշխանությունները հուսով են, որ 2021 թվականի արդյունքներով տնտեսության աճի տեմպը կգերազանցի 6 տոկոսը։
Տաթև Ֆռանգյան
