26.04.2026 | 13:50
Պլանային ջրանջատում Սյունիքում
Միլիարդատեր Ռիչարդ Բրենսոնը պատմական թռիչք է իրականացրել տիեզերք․ ԼՈւՍԱՆԿԱՐՆԵՐ․ ՏԵՍԱՆՅՈւԹ
Քաղաքականություն
12.07.2021 | 12:06
Ռիչարդ Բրենսոնը դարձել է առաջին միլիարդատերը, որը երկրի ենթաուղեծիր է դուրս եկել իր ֆինանսավորմամբ կառուցված տիեզերանավով, գրում է CNN-ը: Virgin Galactic ընկերության Unity 22 հրթիռապլանն առաջին անգամ է օդ բարձրացել խցում մարդկանցով։ Բրենսոնից բացի տիեզերանավում եղել է ևս 5 հոգի՝ բոլորն ընկերության աշխատակիցներ։
Uniti22-ի կրող հրթիռն այն հասցրել է մինչև 15 կմ բարձրության, որից հետո հրթիռից անջատված տիեզերանավը հասել է մինչև երկրի մակերևույթից 92 կմ բարձրության։ Բրենսոնն ու մյուս ուղևորները մի քանի րոպե անցկացրել են անկշռության մեջ: «Մենք այստեղ ենք, որպեսզի տիեզերքն ավելի հասանելի դառնա բոլորի համար։ Մենք ուզում ենք, որպեսզի երազողների հաջորդ սերունդը տիեզերագնացներ դառնա այսօր ու վաղը»,- ասել է Բրենոնը այդ ընթացքում տեսագրված ուղերձում: Ամբողջ թռիչքը տևել է մեկ ժամից մի փոքր ավելի, որից հետո տիեզերանավը բարեհաջող վայրէջք է կատարել։
Այսպիսով՝ Բրենսոնը մի քանի օրով առաջ է ընկել աշխարհի ամենահարուստ մարդուց ՝ Ջեֆ Բեզոսից․ Amazon-ի հիմնադիրը ինը օր հետո պատրաստվում է նմանատիպ թռիչքի իր Blue Origin ընկերության տիեզերանավով։
2000-ականների սկզբից ի վեր Բրենսոնը և Բեզոսը պայքարում են ենթաուղեծրային տիեզերանավերի մշակման և տիեզերական տուրիզմի զարգացման հարցում:
Տաթև Ֆռանգյան
