16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Սոչիով հոսող գրեթե բոլոր գետերը դուրս են եկել ափերից․ կան հեղեղված տնային տնտեսություններ
Քաղաքականություն
05.07.2021 | 19:47
Սոչիով հոսող գրեթե բոլոր գետերը դուրս են եկել ափերից։ Այս մասին հայտնել է Կրասնոդարի երկրամասի նահանգապետ Վենիամին Կոնդրատևը, գրում է ՌԻԱ Նովոստին։
«Մենք այսօր տեսնում ենք, որ ափերից դուրս են եկել ոչ թե ինչ-որ գետեր, այլ գրեթե բոլոր գետերը, որոնք հոսում են Սոչիով։ Դա և՛ Ադլերի, և՛ Խոստայի շրջաններն են։ Մացեստա, Խոստա, Կուդեպստա և Խորոտա, Պսոու, Մզիմտա՝ այս բոլոր գետերը դուրս են եկել ափերից»,- ասել է Կոնդրատևը։
Նա պարզաբանել է, որ Խոստայի շրջանում ավելի քան 40 տնային տնտեսություն է հեղեղվել առատ տեղումների պատճառով: Նահանգապետը նաև նշել է, որ եթե այսօր տեղումները դադարեն, ապա մոտակա օրերին քաղաքում կվերականգնվեն զբոսաշրջային վնասված ենթակառուցվածքները:
Հիշեցնենք, որ Ադլերի և Խոստայի շրջանների բնակիչներին հորդորել են հանդարտություն պահպանել, նախապատրաստել փաստաթղթերն ու առաջին անհրաժեշտության իրերը, եթե իրավիճակը ստիպի տարհանում սկսել։
Մանրամասները՝ տեսանյութում։
Տաթև Ֆռանգյան
