09.06.2026 | 17:49
Հայաստանի հավաքականի մեկնարկային կազմը Մոլդովայի դեմ խաղում
Մահացել է Վլադիմիր Մենշովը
Քաղաքականություն
05.07.2021 | 14:38
Կորոնավիրուսի հետևանքների պատճառով կյանքից հեռացել է ռուս ռեժիսոր և դերասան, օսկարակիր Վլադիմիր Մենշովը, գրում է «ՌԻԱ Նովոստին»։
««Մոսֆիլմ» կինոկենտրոնն ու Վլադիմիր Մենշովի ընտանիքը մեծ ցավով հայտնում են, որ այսօր կյանքից հեռացել է Վլադիմիր Մենշովը։ Խորհրդային և ռուս ականավոր կինոռեժիսոր, դերասան, սցենարիստ, պրոդյուսեր, «Մոսֆիլմ» ընկերության խորհրդի անդամ Մենշովը կյանքի 82-րդ տարում մահացել է կորոնավիրուսային վարակի հետևանքների պատճառով»,- ասված է հաղորդագրության մեջ։
Վլադիմիր Մենշովը խաղացել է շուրջ հարյուր դեր ֆիլմերում, նաև նկարահանել է այնպիսի ժապավեններ, ինչպիսիք են «Մոսկվան արցունքներին չի հավատում», «Սեր և աղավնիներ», «Շիրլի-Միրլի»: «Մոսկվան արցունքներին չի հավատում» ժապավենի համար Մենշովը 1981 թվականին արաժանացել է Օսկարի՝ «Լավագույն օտարալեզու ֆիլմ» անվանակարգում:
Տաթև Ֆռանգյան
