31.07.2026 | 11:15
Բաքվում կայացած ըմբշամարտի մինչև 17 տարեկանների աշխարհի առաջնության արդյունքների ամփոփում. ՈՒՂԻՂ
Հռոմի պապին վիրահատել են․ Վատիկանը հայտնել է հովվապետի ինքնազգացողության մասին
Քաղաքականություն
05.07.2021 | 14:53
Հռոմի պապ Ֆրանցիսկոսը «լավ է արձագանքել» աղիի վիրահատությանը։ Associated Press-ի հաղորդմամբ՝ այս մասին հայտնել են Վատիկանից։
«Սուրբ Հայրը լավ է արձագանքել վիրահատությանը, որն ընթացել է ընդհանուր անզգայացմամբ»,- ասված է հաղորդագրության մեջ։
Սուրբ Աթոռի ներկայացուցիչ Մաթեո Բրունին նշել է, որ 84-ամյա Ֆրանցիսկոս պապին ընդհանուր անզգայացում են արել։
Վիրահատությանը մասնակցել է Հռոմի պապի պաշտոնական բժիշկը: Դեռ հայտնի չէ, թե Ֆրանցիսկոսը որքան ժամանակ կմնա Հռոմի հիվանդանոցում:
Նախօրեին հայտնի դարձավ, որ Հռոմի պապ Ֆրանցիսկոսը հոսպիտալացվել է: Միևնույն ժամանակ, Վատիկանը հայտնեց, որ հովվապետին կվիրահատի պրոֆեսոր Սերջիո Աֆիերին և դրա արդյունքների մասին նոր բժշկական տեղեկագիր կթողարկվի:
Տաթև Ֆռանգյան
