27.11.2024 | 20:33
ՊՆ խոսնակը` Ջերմուկի դիրքերից ՀՀ ԶՈւ ստորաբաժանումների հեռանալու լուրերի մասին
Աֆղանստանում թռիչքի ժամանակ ինքնաթիռի պայթեցման փորձ է կանխվել
Քաղաքականություն
02.07.2021 | 17:25
Աֆղանստանի անվտանգության վարչությունը (NDS) Հերաթ նահանգում կանխել է թռիչքի ժամանակ ինքնաթիռի պայթեցման փորձը։ Այս մասին ասված է հետախուզական ծառայության հայտարարության մեջ, գրում է ՌԻԱ Նովոստին:
Նշվում է, որ ահաբեկիչը Հերաթի օդանավակայանի տարածք է մտել «երաժշտի անվան տակ»: Նա իր հետ ունեցել է «երաժշտական գործիք», որի ներսում եղել են ռումբ, նռնակ և քիմիական նյութեր: Ենթադրվում է, որ տղամարդը մտադիր է եղել «այդ ամենը պայթեցնել թռիչքի ընթացքում»:
«Ազգային անվտանգության գլխավոր վարչության պաշտոնյաները կանխել են Հերաթ-Քաբուլ չվերթի ինքնաթիռում ահաբեկչական հարձակումը»,- ասված է գործակալության Twitter-ում հրապարակված հայտարարության մեջ:
Հատուկ ծառայությունների աշխատակիցներն ահաբեկչին բերման են ենթարկել Հերաթի օդանավակայանում կրկնակի ստուգման ժամանակ:
Տաթև Ֆռանգյան
