09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Մեր ժողովրդի արյունը հերթական անգամ վաճառվում է նրա ընտրանու կողմից․ Աշոտ Մանուչարյան (ՏԵՍԱՆՅՈՒԹ)
Քաղաքականություն
28.02.2018 | 16:34
«Արմեն Աշոտյանը խոսելիս հաշվի չի առնում, որ 1990 թվականի փետրվարի 13-ին Հայաստանի գերագույն խորհուրդը որոշում է կայացրել, որտեղ Սումգայիթում կատարվածը որակել է 1915 թվականի շարունակություն։ Եթե Աշոտյանն ու իր շեֆերը որոշել են դա վերանայել, թող բարի լինեն որոշումը մտցնել Ազգային ժողովի օրակարգ, ասեն սխալ է եղել Գերագույն խորհուրդը, իրականում դա ջարդիկներ, կտտանքներ են, ժողովուրդն էլ իմանա իրենք ով են։ Նա հանցագործ է և հանցագործ են պետական պաշտոնյաներից բոլոր նրանք, ովքեր խոսում են նման եզրույթներով»,- այսօր լրագրողների հետ հանդիպմանն ասաց «Ղարաբաղ» կոմիտեի անդամ Աշոտ Մանուչարյանը։
Բանախոսը նշեց, Արմեն Աշոտյանն ու իշխանության այլ ներկայացուցիչներ ԱԺ-ում սումգայիթյան դեպքերի շուրջ հրավիրված լսումների ընթացքում օգտագործել են կտտանքներ, միջադեպեր որակումները, որոնք ըստ Մանուչարյանի անընդունելի են։ Ասուլիսի ընթացքում Աշոտ Մանուչարյանը նաև շեշտեց՝ կա ցեղասպանության վտանգ, որը պետք է ծածկեն սահմանին կանգնած 18-ամյա երեխաներն իրենց կյանքով:
«18 տարեկանները պետք է ծածկեն այն, որ նրանք այդ բառիկներն են օգտագործում, որ իրենց լափը պոկեն-տանեն։ Մեր ժողովրդի արյունը հերթական անգամ վաճառվում է նրա ընտրանու կողմից»,- բարկացած հայտարարեց Մանուչարյանը։
Մանրամասները՝ տեսանյութում։
