09.06.2026 | 00:17
Մարկո Ռուբիոն շնորհավորել է Փաշինյանին
Ալիևը զանգահարել է Պուտինին․ կողմերը քննարկել են Լեռնային Ղարաբաղի իրավիճակը
Քաղաքականություն
23.06.2021 | 19:10
ՌԴ նախագահ Վլադիմիր Պուտինն ու Ադրբեջանի նախագահ Իլհամ Ալիևը հեռախոսազրույց են ունեցել, տեղեկացնում է Կրեմլի մամուլի ծառայությունը։
Ըստ տարածված հաղորդագրության՝ հեռախոսազրույցը տեղի է ունեցել ադրբեջանական կողմի նախաձեռնությամբ։
«Կողմերը քննարկել են Լեռնային Ղարաբաղի վերաբերյալ 2020թ․ նոյեմբերի 9-ի և 2021թ․ հունվարի 11-ի Ռուսաստանի, Ադրբեջանի ու Հայաստանի ղեկավարների պայմանավորվածությունների իրականացման գործնական ասպեկտները։ Առանձնակի ուշադրություն է դարձվել Հարավային Կովկասում տնտեսական կապերի ու տրանսպորտային հաղորդակցությունների վերականգնման եռակողմ ձևաչափով աշխատանքի ակտիվացմանը»,- ասվում է հաղորդագության մեջ։
Բացի այդ, երկկողմ օրակարգի ընթացիկ հարցերի քննարկման ժամանակ Վլադիմիր Պուտինն ու Իլհամ Ալիևը վերահաստատել են փոխըմբռնումը՝ ռուս-ադրբեջանական ռազմավարական գործընկերությունն է՛լ ավելի ամրապնդելու ուղղությամբ:
Պայմանավորվածություն է ձեռք բերվել շարունակել շփումները տարբեր մակարդակներով:
Էմմա Չոբանյան
