11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Ես մեր քաղաքացիներին ասում եմ մոլորյալներ. Արթուր Վանեցյան. ՏԵՍԱՆՅՈՒԹ
Քաղաքականություն
23.06.2021 | 13:57
Ես Նիկոլ Փաշինյանի ելույթում չտեսա հստակ համերաշխության կոչ և ցանկություն: Այս մասին այսօր՝ հունիսի 23-ին, մամուլի ասուլիսի ժամանակ նշեց «Պատիվ ունեմ» դաշինքի վարչապետի թեկնածու, ԱԱԾ նախկին տնօրեն Արթուր Վանեցյանը։
«Ես տեսա նույն սպառլանիքների տարափ, ուղղակի ձևակերպված ավելի մեղմ և ավելի գեղեցիկ բառերով: Չես կարող համերաշխության կոչ անել, միաժամանակ ասել, որ բոլորին պառկացնելու ենք, նստացնելու ենք, էս ենք անելու, էն ենք անելու: Խոսքերին հավատալ չեմ ուզում և չեմկարող: Եթե Նիկոլ Փաշինյանն իրապես ուզում է համերաշխություն մեր հասարակության մեջ, հանգստություն մեր երկրին, ապա իր քայլերով պետք է շատ կարճ ժամանակում ցույց տա, որ ինքը փոխվել է:
3 տարիներին նրա կոչերը, հայտարարությունները և իրողությունները էապես տարբերվել են իրարից: Եթե նա կփորձի իրապես բերել մեր երկրին համերաշխություն ու հանգստություն, ես միայն ուրախ կլինեմ: Բայց դա միայն ժամանակը ցույց կտա: Մեր վերաբերմունքը Նիկոլ Փաշինյանին լինելու է հայելային: Եթե տեսնենք, որ նա կարողանում է փոխվել, կարողանում է դառնալ իրապես պետական գործիչ, որին ես չեմ հավատում, ապա իհարկե, մենք պետք է գործենք այլ տրամաբանությամբ»,- նշեց Վանեցյանը:
Ինչ վերաբերում է ընտրությունների ժամանակ «Պատիվ ունեմ» դաշինքի քիչ ձայներ հավաքելուն, Վանեցյանը նշեց. «Ես մեր քաղաքացիներին ասում եմ մոլորյալներ»:
Մանրամասները՝ տեսանյութում:
