19.05.2026 | 12:32
Երբ և ինչ պայմանների իրականացման դեպքում կբացվի Հայաստան-Թուրքիա սահմանը. Անկարայում Ադրբեջանի դեսպանի հայտարարությունը
18 ՏԸՀ-ներում վերահաշվարկում են քվեաթերթիկները․ ՈՒՂԻՂ
23.06.2021 | 10:50
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Կենտրոնական ընտրական հանձնաժողով վերահաշվարկի պահանջով դիմելու վերջնաժամկետը լրացել է հունիսի 22-ին՝ ժամը 11։00-ին։
Հանձնաժողովը ընդհանուր առմամբ 27 տեղամասերում վերջնահաշվարկ իրականացնելու դիմումներ է ստացել։ ԿԸՀ քարտուղար Արմեն Սմբատյանը տեղեկացրել է, որ թեև վերահաշվարկի դիմումների մեծ մասը ոչ պատշաճ ընթացակարգերով են ներկայացվել, սակայն ԿԸՀ-ն ընթացք է տվել բոլորին։
Բացի դրանից, տարածքային հանձնաժողովները, սեփական նախաձեռնությամբ որոշել են վերահաշվարկ իրականացնել որոշ տեղամասերում։ Արդյունքում 70-ից ավելի ընտրատեղամասերում քվեների վերահաշվարկ կիրականացվի։
Սմբատյանը հայտնել է, որ երեկ վերահաշվարկ է անցկացվել 6 տեղամասում և դրանցից միայն մեկում է անհամապատասխանություն արձանագրվել․ Վանաձորի 23/47 տեղամասում վերահաշվարկի արդյունքում երկրորդ նախագահ Ռոբերտ Քոչարյանի գլխավորած «Հայաստան» դաշինքի ձայները աճել են մոտ 90-ով։ Այս պահին վերահաշվարկ է իրականացվում ընտրատարածքային 18 հանձնաժողովներում, վերահաշվարկի գործընթացը կշարունակվի մինչև ուրբաթ՝ հունիսի 25-ը։
ՀՀ վարչապետի խորհրդական Արայիկ Հարությունյանն էլ գրել է.
«Տեխնիկական խնդիրներ արձանագրվել են նաև մեր դեպքում՝ «Քաղաքացիական պայմանագիր» կուսակցության ձայները հաշվարկելիս առնվազն երեք տեղամասում: 4/2 տեղամասում մոռացել էին ավելացնել զրո, և 390-ի փոխարեն մուտքագրվել էր 39, 4/3-ում 409-ի փոխարեն՝ 49, 4/44-ում 281-ի փոխարեն՝ 28:
Խնդրում եմ բոլորին հրաժարվել զուգահեռ իրականություն ստեղծելուց, ավելորդ չեղած աղմուկ բարձրացնելուց: Հանրության մեջ ավելորդ լարումը յուրաքանչյուր անհատին վնաս է հասցնում»:
