11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Իրանի Արևմտյան Ատրպատական նահանգում ահաբեկչական խմբավորումներ են չեզոքացվել
Քաղաքականություն
22.06.2021 | 14:45
Իսլամական հեղափոխության պահապանների կորպուսի (ԻՀՊԿ) զինծառայողները Իրանի հյուսիս-արևմուտքում բացահայտել ու չեզոքացրել են «3 խումբ ահաբեկիչների ու հակահեղափոխականների»։ Այս մասին հայտարարել է ԻՀՊԿ-ի ցամաքային զորքերի հրամանատար, բրիգադային գեներալ Մոհամմադ Պակպուրը, գրում է ՏԱՍՍ-ը։
«Անցյալ հինգշաբթի կայացած նախագահական ընտրություններից առաջ թշնամին փորձել է հատուկ ծրագիր ու ահաբեկչություններ իրականացնել, սակայն հանդիպել է ԻՀՊԿ-ի ցամաքային զորքերի կոշտ հակազդեցությանը։ Ահաբեկիչների երկու խումբ ու հակահեղափոխականներ են չեզոքացվել Արևմտյան Ատրպատականում և Քրդստանում՝ Օշնավիե ու Բանե քաղաքներում»,- հայտարարել է Պակպուրը։
Գեներալի խոսքով՝ ահաբեկիչների ևս մեկ խումբ սողոսկել է Քրդստան նահանգի Սարվաբադ քաղաք, բայց այն ևս ոչնչացվել է։
Տաթև Ֆռանգյան
