11.05.2025 | 13:40
Օդի ջերմաստիճանը զգալի կնվազի․ սպասվում է անձրև և ամպրոպ
ՀՀ պատմության մեջ առաջին անգամ վարչական ռեսուրս է կիրառում և՛ ընդդիմությունը, և՛ իշխանությունը. Սաքունց. ՏԵՍԱՆՅՈՒԹ
Հասարակություն
18.06.2021 | 18:06
ՀՀ պատմության մեջ առաջին անգամ վարչական ռեսուրս է կիրառում ոչ միայն իշխանությունը, այլև ընդդիմությունը։ Սա եզակի դեպք է։ Այս մասին լրագրողների հետ հանդիպմանը հայտարարեց «Անկախ դիտորդ» դիտորդական առաքելության ներկայացուցիչ, իրավապաշտպան Արթուր Սաքունցը՝ ներկայացնելով նախընտրական քարոզչության ժամանակահատվածի տվյալները։
«Դա պայմանավորված է նրանով, թե որ քաղաքական ուժը որտեղ ինչ ազդեցություն ունի, որքան աշխատող ունի և ինչ ճնշումներ է գործադրում։ Արձանագրված փաստեր ունենք, որոնք ներկայացրել ենք իրավապահներին»,-ասաց իրավապաշտպանը։ Սաքունցի խոսքով՝ վարչական ռեսուրսի կիրառման, ինչպես նաև ընտրակաշառքի ամենաշատ դեպքերը վերաբերում են «Հայաստան» դաշինքին, «Պատիվ ունեմ»-ին, նաև՝ որոշ դեպքերում իշխանությանը։
«Արձանագրվել են նաև աշխատանքային իրավունքի խախտումների դեպքեր։ Խոշոր բիզնեսներում աշխատողներին հարկադրում են մասնակցել նախընտրական հավաքների՝ աշխատանքից ազատելու սպառնալիքի ներքո։ Պետական մարմիններում նման առանձին դեպքեր են արձանագրվել մասնավորապես ՏԻՄ մարմիններում»,- տեղեկացրեց Սաքունցը:
Մանրամասները՝ տեսանյութում:
