06.07.2026 | 04:08
ԱԱ-2026. Բրազիլացիները լքեցին պայքարը, Հոլանդը` հաղթական դուբլի հեղինակ. ՏԵՍԱՆՅՈՒԹ
Իրանում մեկնարկել են նախագահական ընտրությունները
Քաղաքականություն
18.06.2021 | 15:01
Իրանում մեկնարկել են նախագահական ընտրությունները։ Հունիսի 18-ին ավելի քան 59 միլիոն ընտրող իրավունք ունի քվեարկել նախագահի հավանական հետնորդների օգտին։
Երկրի գործող ղեկավար Հասան Ռոհանին իրավունք չունի առաջադրել իր թեկնածությունը՝ երկու նախագահական ժամկետներից հետո, գրում է DW-ի ռուսական ծառայությունը։
Ընտրություններին մասնակցում են Որոշումների նպատակահարմարության խորհրդի քարտուղար Մոհսեն Ռեզային, Գերագույն դատարանի գլխավոր դատավոր Էբրահիմ Ռաիսին, խորհրդարանի փոխնախագահ Ամիր Հոսեյն Կազիզադե Հաշեմին և Կենտրոնական բանկի նախկին ղեկավար Աբդոլնասեր Հեմաթին:
Քվեարկությունից երկու օր առաջ երեք թեկնածու հայտարարել է նախընտրական մրցապայքարից դուրս գալու մասին. Կում քաղաքից Մեջլիսի պատգամավոր Ալիռեզա Զաքանին, նախկին փոխնախագահ Մոհսեն Մեհրալիզադեն և Ազգային անվտանգության գերագույն խորհրդի նախկին քարտուղար Սաիդ Ջալիլին:
Տաթև Ֆռանգյան
