30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Փաշինյանն անդրադարձավ Սերժ Սարգսյանի եղբորորդիների վերաբերյալ դատական որոշումներին. ՏԵՍԱՆՅՈՒԹ
Քաղաքականություն
16.06.2021 | 15:56
Վայքում քաղաքացիների հետ նախընտրական հանդիպման ընթացքում ՀՀ վարչապետի պաշտոնակատար, ՔՊ վարչապետի թեկնածու Նիկոլ Փաշինյանն անդրադարձավ Սերժ Սարգսյանի եղբորորդիների վերաբերյալ դատական որոշումներին և դատական համակարգին:
«Այսօր լուր տարածվեց, որ Սերժ Սարգսյանի եղբորորդին դատապարտվել է ազատազրկման, մի քանի օր առաջ լուր տարածվեց, որ նրա մյուս եղբորորդին ազատ է արձակվել քրեական պատասխանատվությունից:
Մեր քաղաքացիների մեծ մասը կարծում է, որ դատական համակարգը կախված է նախկին իշխանություններից: Այնուամենայնիվ, մեր դատական համակարգում տեղի են ունենում շատ լուրջ, խորքային, բովանդակային փոփոխություններ, ինչը չի նշանակում, որ մեր դատարաններում անարդար և կոռուպցիոն կապերով կապված դատավորներ չկա: Ցավոք, կան մեծ թվով կոռումպացված դատավորներ, բայց կան նաև անկաշառ դատավորներ»,- նշեց Փաշինյանը՝ ընդգծելով, որ դատական համակարգն ի վերջո ինքնամաքրվելու է, ունենալու ենք դատական համակարգ, որը բոլորի իրանվունքներն անխտիր և հավասար է պաշտպանելու:
Նա նաև նշեց, որ կարևոր է կոռումպացված դատավորներին դատական համակարգից հանելը, իսկ օբյեկտիվ դատավորներին քաջալերեը, և այդպիսով արդարությունն առաջ մղելը:
Մանրամասները՝ տեսանյութում:
