11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Մենք այստեղ ենք, որպեսզի Հայաստանը լինի, իսկ գողապետերը մեռնեն․ Բաբաջանյան. ՏԵՍԱՆՅՈՒԹ
Քաղաքականություն
16.06.2021 | 15:07
Համայն հայության ուշադրությունը կենտրոնացել է Հայաստանի վրա, քանի որ առաջիկա օրերը, զարգացումները ճակատագրական են լինելու Հայաստանի համար: Սպիտակում քաղաքացիների հետ նախընտրական հանդիպման ժամանակ այս մասին նշեց Շիրինյան-Բաբաջանյան ժողովրդավարների դաշինքի ցուցակը գլխավորող Արման Բաբաջանյանը:
«Ըստ էության որոշվելու է Հայաստանի լինել-չլինելու հարցը, որոշվելու է՝ Հայաստանը կշարունակի իր գոյությունը որպես ազատ անկախ ժողովրդավար երկիր, թե կդառնա մի մեծ կայսրության գուբերնիա, ծայրամասային մի երկրամաս:
Մենք այստեղ ենք, որպեսզի երաշխավորենք մեր երկրի անկախ և ժողովրդավար ընթացքը, այստեղ ենք, որպեսզի Հայաստանը լինի, իսկ գողապետերը մեռնեն:
Նրանք, ովքեր պատերազմ են հայտարարել պետականությանը, ժողովրդավար հեռանկարին, չպետք է որևէ շանս, որևէ հնարավորություն ստանան, քաղաքական միջավայրում տեղ ունենալու»,- նշեց Բաբաջանյանը:
«Մենք երաշխավորելու ենք, որ որևէ ոտնձգություն, որևէ հարձակում մեր պետության դեմ , ժողովրդի իշխանության դեմ, ժողովրդի կամարտահայտության դեմ չպետք է տեղի ունենա: Եվ մենք որևէ բան չենք խնայելու՝ հասնելու համար բաղձալի արդյունքի»,- ընդգծեց Բաբաջանյանը:
Մանրամասները՝ տեսանյութում:
