19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Հերիք ա՝ ինչքան Զանգեզուրի պղնձամոլիբդենային կոմբինատի սեփականատեր մնացին որոշ բաշիբոզուկներ. Փաշինյան․ ՏԵՍԱՆՅՈՒԹ
Քաղաքականություն
15.06.2021 | 20:55
Քաջարանում նախընտրական հանդիպման ժամանակ վարչապետի պաշտոնակատար Նիկոլ Փաշինյանն ասաց, որ Զանգեզուրի պղնձամոլիբդենային կոմբինատի աշխատակիցներին սպառնացել են, որպեսզի չմասնակցեն իր երթին։
«Զանգեզուրի պղնձամոլիբդենային կոմբինատի աշխատակիցներին սպառնացել են, ասել են՝ ով գնա երթի, աշխատանքից հանելու ենք։ Ես հիմա ձեզ խոստանում եմ, որ մինչև հուլիսի կեսերը ձեզ սպառնացողներից որևէ մեկը չի աշխատելու Զանգեզուրի պղնձամոլիբդենային կոմբինատում։ Հերիք ա՝ ինչքան Զանգեզուրի պղնձամոլիբդենային կոմբինատի սեփականատեր մնացին որոշ բաշիբոզուկներ»,- ասաց Փաշինյանը։
Նա նշեց, որ Հայաստանի ժողովուրդն իր փայաբաժինն է ունենալու «Զանգեզուրի» պղնձամոլիբդենային կոմբինատում։
«Ես ուզում եմ գաղտնիք բացեմ՝ հիմա բանակցային գործընթաց է տեղի ունենում այդ մասով, հույս ունեմ՝ ոմանք կառուցողական դիրքորոշում կունենան։ Եթե չունենան կառուցողական դիրքորոշում, Հայաստանի ժողովուրդն էդ բաշիբոզուկներից կոմբինատի իր բաժինը, թեկուզ Ազգայնացման մասին օրենքով, ստանալու է»,- հայտարարեց Փաշինյանը։
«Որոշ թափթփուկ պաշտոնյաներ կան Քաջարանում, որ Քաջարանի էս ասֆալտին են պառկելու ընտրություններից հետո. հաստափոր ու հաստավիզ մի քանի հոգի կան»,- հավելեց Փաշինյանը:
Մանրամասները՝ տեսանյութում:
