18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
«Սպայկա» ընկերությունը կապում էին ինձ հետ, բայց սեփականատերը ՔՊ-ի ցուցակում է. Ռոբերտ Քոչարյան. ՏԵՍԱՆՅՈՒԹ
Քաղաքականություն
15.06.2021 | 17:25
«Քաղաքացիական պայմանագրի» նախընտրական ցուցակում ընդգրկված է «Սպայկա» ընկերության սեփականատերը: Այս մասին այսօր Արարատի մարզում նախընտրական հանդիպման ժամանակ նշեց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը:
«Ես ուղղակի ձեզ հիշեցնեմ՝ երբ բռնեցին սեփականատերին, մեծ աղմուկ բարձրացրին, յոթ միլիարդ դրամի գրեցին տուգանքներ՝ իբրև բյուջեից գողացած փողերի կամ չմուծած, հետո բաց թողեցին։ Հետո, մենք հստակ գիտենք, ոչ մի գումար գրեթե չմուծվեց բյուջե, շատ փոքր գումար։ Եվ այսօր այդ անձը հայտնվել է իրենց ցուցակում։
Այն «Սպայկա» ընկերությունը, որը իրենց թերթերով վերագրում էին ինձ․․․ Հետևողականորեն կապում էին ինձ այդ ընկերության հետ, իբրև դա իմն է։ Հետո գնում հարձակվում են այդ ընկերության վրա, պարզվում է, որ դա իմը չի, տուգանքն են գրում 14 միլիոն դոլարի, հետո այդ տուգանքը ջրվում է, թե ում գրպաններում է ջրվում, անհասկանալի է։ Հետո պարզվում է, որ այդ մարդը հայտնվում է իրենց քաղաքական թիմում, իրենց ցուցակում։ Սա դասական օրինակ է, և այդպիսի օրինակներ կարող եմ այսօր մի 10-15-ը բերել։ Եվ սա օրինակ է, որը ապացուցում է, որ այս մարդիկ չունեն ամոթի զգացում, չունեն նամուսի որևէ նշույլ և խրվել են կոռուպցիոն գործարքների մեջ»,- նշեց Քոչարյանը։
Մանրամասները՝ տեսանյութում:
