31.07.2026 | 10:54
Իրավապահները խուզարկում են Նարեկ Կարապետյանի տունը
Մեզ պետք է հրավիրեն, մենք չպետք է խնդրենք․ Զելենսկին` ՆԱՏՕ-ին անդամակցության մասին
Քաղաքականություն
15.06.2021 | 18:21
Ուկրաինան ունի ուժեղ բանակ և արժանի է նրան, որպեսզի հրավիրվի ու դառնա ՆԱՏՕ-ի լիիրավ անդամ։ Հյուսիսատլանտյան դաշինքը պետք է օբյեկտիվորեն գնահատի մեր պետության եվրոատլանտյան ձգտումները, հայտարարել է Ուկրաինայի նախագահ Վլադիմիր Զելենսկին Կիևում տեղի ունեցած «Ուկրաինա 30․ Տնտեսություն առանց օլիգարխների» համաուկրաինական ֆորումի շրջանակում տեղական հեռուստաընկերություններին տված հարցազրույցում, գրում է Forum-ը։
Երկրի ղեկավարն ընդգծել է, որ Ուկրաինան մեծ ջանքեր է գործադրել, որպեսզի ՆԱՏՕ-ի անդամ երկրները հաստատեն դաշինքին Կիևի անդամակցության հեռանկարները։
«Ես կարծում եմ, որ Ուկրաինան ավելիին է արժանի։ Մենք արժանի ենք, որպեսզի Դաշինքում հզոր երկրների շարքում լինենք հավասարներից մեկը։ Մեզ պետք է հրավիրեն, կարծում եմ՝ դա է ազնիվ։ Մենք չպետք է խնդրենք»,- ընդգծել է Զելենսկին։
Հիշեցնենք՝ ՆԱՏՕ-ի գագաթնաժողովը չի հայտարարել ոչ մի ամսաթիվ և ոչ մի հնարավոր ժամկետ՝ դաշինքին Վրաստանի և Ուկրաինայի անդամակցության մասին, այլ միայն հաստատել է, որ ՆԱՏՕ-ի դռները բաց են մնում։
Տաթև Ֆռանգյան
